الثلاثاء، 15 يناير 2013

محتويات شنطتي

السلام عليكم
كثير مبسوطه من عدد المتابعات واتنمى ان الاشياء الي كتبتها فادتكم وحبتوها.
اليوم بتكلم عن اهم الاشياء الي بشنطتي وغالباً ما اطلع إلا وهي معاي يالله نبدأ
اولاً لازم يكون مع مويا حتى لو المشوار بسيط
أثنين مرطب واحد لشفايف و الثاني للوجه و اليدين
مناديل
وبطاقتي الشخصيه استغرب من البنات الي مطلعين بطاقه وما تكون معاهم على طول افرضي صار لك شيء مين انتي محد يعرفك لو ما عندك بطاقه اكتبي اسمك بورقه .
نسيت المعقم لان دايم يكون مع أخواتي واحد
هذا الشيء بلاستيك ينحط على كرسي دورة المياه يستخدم مره وحده بس لقيته بمحل بمملكه اسمه مسافر فيه 10 حبات ب 6 ريال
ما ادري اذا ينباع بمكان ثاني المفروض بصيدليه!
اما هذا قلفز بلاستيكي للحمامات العامه هفكره من اختي نعم نعم احنا عائله موسوسه ههههه
لا بس جد قرف انا اقرف من الحمامات العامة حتى لو شكلها نظيف ارتاح كذا
من بنده بحوالي ريالين طبعاً ما أخذها كلها لا كم حبة بس

ادري انكم متوقعين اشياء غير مثلاً لا تنسين البلاشر و الروج هههه انا مو كذا لاني دايم انسى هلاشياء.
طبعاً هذي المحتويات اذا بتروحين بتتمشين بسوق او اي مكان عام .
بااااااااااااااااااااااي

الثلاثاء، 8 يناير 2013

مرطب الشفاه

مرحبا
قبل شهر جتني حساسيه من الاكل جاني ضيق تنفس و طفح جلدي بشفايفي صارت حمراء بعدين اسودت
ما قدرت حتى احط فازلين يحرقني المهم رحت لدكتور جلديه فاعطاني مرهم ومعه مرطب
عجبني كثيررر المرطب احسن شيء استخدمته افضل من الي تكلمت عنه قبل هو مرهم
قال لي استخدميه مرتين بليوم كثير فادني وبعد ٣ ايام رجعت شفايفي زي قبل واحسن بعد







Kelyane h.d
ب ٣٥ ريال

الاثنين، 7 يناير 2013

مزيل مناكير سيفورا

مرحبا من زمان عنكم كنت مشغوله والحين رجعت لكم
برجع لكم مع تطور بسيط الصور الي بحطها من تصوير فعذراً ع رداءة الصور احاول اتعلم على التصوير
اليوم بتكلم عن مزيل مناكير سيفورا اعشق المناكير بس كنت اتكيسل احط لان ازالة تطول وغثاء قطن وامسح امسح
بس مع همنتج عادي احط يومياً صرت مهوسة ودي ارجع اجيب كم علبه اخاف تنقطع (;
تزيلين اصابع يدينك الثنتين باقل من دقيقه ممكن ياخذ معك بس ٣٠ ثانيه
عليك تدخلين اصبعك وتحركينه فوق تحت مو تدورين اصبعك لاحظت هطريقه غلط مايوصل لحواف الظفر بس لما تحركينه فوق تحت يمسح كل المناكير




سعره ٤٩ ريال وحجمه مناسب للسفر